رجعنا الحمد الله امبارح من الاردن

السلام عليكم و رحمة الله و بركاته

الحمد لله رجعنا امبارح من المملكه الاردنيه

كانت رحله جميله اوى و لذيذه

و بردو احلى حاجه فيها اننا محسناش اننا بره مصر خالص

ناس طيبين و شعب طيب

و الغريبه انك تبص فى وش اى واحد تلاقيه بيضحك

المهم

كان عندنا يوم الخميس 20-12 حفله فى شرم الشيخ

خلصنا الحفله و رحنا على الفندق و نمنا تانى يوم الصبح

اللى هوه الجمعه 21-12

رحنا على مطار شرم الشيخ

الىل حصل بقى و اللى مكناش متوقعينه

ان تامر ساق بينا الاتوبيس اللى هياخدنا من المطار للطياره

ههههههههههههههههههههههههههههههههههههههههههههههههههه

المهم

تامر ساق الانوبيس بينا لغاية الطياره

و صلت الطياره على مطار الملكه علياء حوالى الساعه 5 المغرب

الناس بردو استقبلوا تامر فى المطار و عملوله زفه كبيررررررره و الله لا تقل على اللى حصل فى الاردن

المهم

وصلنا الفندق و قابلت ناس من الرابطه و ناس من الاكاديمى

و قعدنا مع بعض شويه

و طلعنا علشان تامر كان عنده حورا مع اذاعة مزاج اف ام

و بعديه على المؤتمر الصحفى

انا بس يا جماعه عايز اوضح حاجه معينه علشان محدش يزعل منى

اللى حصل ان فى ناس كلمتنى علشان عايزيين يدخلوا الحفله و يبقابلوا تامر

انا موضوع الحفله ده مش فى ايديى خالص بره مصر

لانى مش انا اللى منظم الحفله

و بالنسبه لمقابلة تامر

فده بيبقى على حسب الفندق اللى قاعدين فيه

فى فنادق متضدده جدا مبيرضوش يطلعوا حد خاااااااااااالص

و ان امش ذنبى ان حد كلمهم وعدهم بدخول الحفله و مقابلة تامر زى عادل من الاكاديمى عمل

انا نفسى اخدم الكل و الله بس بيبقى غصب عنى

المهم

طبع االمؤتمر الصحفى كان زحمممممممممممممممه

المهم المؤتمر خلص
و نمنا و صحينا على ميعاد البروفه تانى يوم فى مكان الحفله

اللى هوه مسرح الارينا بالجامعه الاهليه

مسرح كبييييييييييييييييييييير

انا لما شفت المسرح ده اتخضيت و الله

قلت ازاى لناس هاتملى المسرح ده ازاى ؟؟؟؟

هل فعلا تامر محبوب للدرجه دى علشان يجى كم الناس دول ؟؟؟؟

و قلت فى بالى بس يا رب يتملى نصه

و كان عكس توقعى خاااااااااااااااااااااااااااالص

الناس كانت واقفه فوق بعضها

مفيش مكان لرجل تقف جوه المسرح

تامر قعد يغنى ساعتين متواصلين

طبعا كان فى راحه فى النص كده لما تامر اتعور كالعاده

هههههههههههههههههههههههههه

المفروض بعد كده نجيب دكتور معانا احتياطى

هههههههههههههههه

المهم خلصنا الحفله الحمد لله و الناس اتبسطتت

و كالعاده قعدنا محبوسين جوه مكان الحفله اكتر من ساعه

مش عارفيين نخرج من الزحمه

الناس كتير اوى

او بالاردنى

اكنت عجأه

ههههههههههههههههههههههههههههههههههه

انا خلاص بقيت اتكلم لغااااااااااااااااااااااااااااات باركولى

المهم

حصلت معجزه الحمد لله و خرجنا من مكان الحفله

ده بعد ما اتضربنا ضرررررررررررررررب

بس الحمد لله بقى الجزمه ماتقلعتش من رجلى

لان رجلى اتقلعت كلها
هههههههههههههههههههههههه

كانت رحله جميله و لذيذه

و الاردن بلد جميله و حلوه اوى

و بجد نفسى انها تتكرر تانى
















كان معكم من الاردن

مراسل قناة تامر حسنى

khaledfouda

و ع الاصل دوووووووووووووووووور®™

ماركه مسجله